14 Natural Home Remedies Anti Ageing Tips For Skin In Hindi - My Smart Ways

My Smart Ways

Here is everything you want to learn and know about self-care beauty.If you want to know about beauty then this is the best platform for you.

Friday, November 27, 2020

anti ageing tips in hindi, ageing
Anti_Ageing_Tips_in_Hindi


Ageing: 


Aaj kal har koi ageing ki samasya se joojh raha hai. Iski vajah khane peene par sahi dhiyaan na dena, badhta hua pollution, skin ki saaf-safayi na rakhna, chemicals wale skin products ko use karna medicines aur busy schedule hai. Jisse kam age me hi ziyada age jaisa dikhayi dene lagna.


Hello friends mysmartways blog me aapka swagat hai. Is article me hum aapko ageing aur anti ageing se related kuch important tips aur jaankari batane ja rahe hain. Jo aapke liye kaafi upyogi saabit ho sakti hain. Kripya is article ko end tak zaroor padhen.


What Is Anti-Ageing Full Guidance In Hindi


Jab humari age dheere-dheere badhne lagti hai. Tab ageing ki problem shuru hone lagti hai. Jaise ke skin me dheelapan aane lagta hai, chehre par jhurriyan aane lagti hain, maathe par lakeeren padhne lagti hain aur face par daag-dhabbe aane lagte hain. Aisa 30 saal ke baad se hona shuru ho jata hai.


Lekin kisi-kisi ko is tarah ki skin problems kam age me bhi hone lagti hai. Jo ke ziyada dhoop ke sampark me aane par, bahot ziyada makeup karne par, ziyada tension me rehne par aur galat khaan-paan jaise ke tala-bhuna khana aur paani ka kam istemaal karne ki vajah se bhi hone lagti hai.


Aise me log anti ageing creams ka use karne lagte hain. Lekin inse bahot ziyada farq nahin padta hai. Agar khane peene ka sahi dhiyaan rakkha jaye aur exercise ko apne daily routines me shamil kar liya jaye. To aap khud ko lambe samay tak ageing jaisi samasya se bachaye rakh sakte hain.


Also Read: Pimples door karen aasani se


anti ageing tips in hindi, ageing, anti aging meaning in hindi
Anti_Ageing_Tips_in_Hindi


Anti Ageing Tips For Skin IN Hindi


(1) Coconut Oil: 

Coconut oil yani ke nariyal ka tail baalon ke saath-saath skin ke liye bhi fayedemand mana jata hai. Aksar sardiyon ke dino me skin ko dry hone se bachane ke liye coconut oil se skin par massage ki jati hai. Jisse skin rukhi hone se bachi rahe aur wrinkles free rahe.


Skin par coconut oil se massage karne par skin me kasaav bana rehta hai aur ageing, wrinkles jaisi samasya se skin ko bachaya ja sakta hai. Garmiyon me aap raat ko sote samay coconut oil se massage kare aur sardiyon me din me nahane ke baad bhi massage kare.


Also Read: Sunburn door karne ke aasan se upay


(2) Jojoba Oil: 

Jojoba oil ageing jaisi skin problem ko door karne me upyogi mana jata hai. Isko aap coconut oil ke saath mila kar raat me sote samay apne chehre, haathon aur pairon ki skin par laga kar 10 minute tak massage kare aur subah uth kar halke gungune pani se dholen.


(3) Almond Oil: 

Badaam health ke liye to achchha mana hi jata hai. Iske saath hi badaam ka oil sir ke baalon ke liye aur skin ke liye bhi bahot hi achchha mana jata hai. Almond oil se skin ki massage karne par skin me kasaav aata hai aur yeh ek kaargar anti-ageing gharelu nuskha mana jata hai.


Garmiyon ke dino me raat ko sote samay massage karke leten aur sardiyon ke dino me nahane ke baad massage kare. Almond oil se face par massage karne se chehre ki skin me tanaav aane lagta hai aur skin chamakne lagti hai. Kuchh hi dino me aapko iska asar dikhne lagega.


(4) Dahi: 

Dahi bhi skin ke liye upyog kiye jane wala ek achchha gharelu nuskha hai. Dahi ko chehre aur gardan par laga kar20 minute baad dholen. Aisa karne se skin me kasaav bhi aayega aur skin ka colour bhi nikhrega. Rozana din me ek baar aisa karne se ageing jaisi samasya se bacha ja sakta hai.


(5) Milk: 

Milk chehre ki skin ke liye ek achchha cleanser mana jata hai. Kachche doodh me shahad ko mila kar chehre par rozana lagane se chehre ki skin dry hone se bachi rehti  hai aur skin komal bhi bani rehti hai. Iske lagataar istemaal se ageing jaisi samasya bhi kafi had tak door hone lagti hai.


Also Read: Hontho ka kalapan door kare


(6) Egg: 

Egg yani ke anda bhi ageing ko rokne ke liye kafi upyogi mana jata hai. Iske liye ande me se zardi nikaal len aur sirf safed hisse ko hi poore chehre par lagayen. Poori tarah se sookh jane par hi chehre ko normal pani se dho len. Isse chehre ki skin tite hone lagegi aur skin me glow bhi aane lagega.


Iske lagataar istemaal se kuch hi dino me fayeda nazar aane lagega. Lekin dhiyaan rahe isko lagane ke baad se le kar chehra dhone tak na hi baat kare aur na hi hasne ki koshish kare. Kyun ki aise me baat karne par ya hasne par wrinkles(jhurriyan) aane ka darr bana rehta hai.


Anti_Ageing_Tips_in_Hindi


(7) Besan: 

Besan bhi skin ke liye tarah-tarah se istemaal kiya jata hai. Besan chehre par pimples aur daag-dhabbo ke liye bhi istemaal kiya jata hai. Isko cleanser ke roop me bhi chehre ko dhone ke liye bhi prayog kiya jata hai. Isi tarah yeh ek achchha anti-ageing gharelu nuskha bhi mana jata hai.


Iske liye besan ko kachche doodh me mila kar pest bana len. Ab is pest ko chehre par lagayen aur sookh jane par paani se dheere-dheere dho len. Aisa rozana bhi kar sakte hain. Yeh skin ko clean bhi karega aur yeh anti-ageing ke roop me bhi upyogi saabit hoga.


(8) Green Tea: 

Green tea health aur skin ke liye ek behtar vikalp(option) saabit ho rahi hai aur aaj ke waqt me isko ziyada se ziyada log istemaal kar rahe hain. Isko rozana kam se kam ek baar apne istemaal me zaroor layen. Yeh anti-oxydant se bharpoor hone ki vajah se aapko ageing se door rakkhegi.


(9) Water: 

Water yani ke paani ko apni diet ka hissa bana len. Yeh skin aur pet dono ke liye hi kisi vardaan se kam nahin hai. Rozana 8-10 glass paani peene ki aadat bana len. Isse aapki skin me freshness bani rahegi. Jisse aap lambe samay tak ageing jaisi problem se bache rahenge.


Iske saath hi rozana subah ko uth kar 1-2 glass gunguna(halka garm) paani zaroor piyen. Isse aapka pet bhi saaf rahega aur aap tarah-tarah ki bimariyon se bhi bache rahenge.


(10) Vegetables: 

Fresh vegetables vitamins se bharpoor hoti hain. Apne khane me taazi hari sabziyon ko ziyada se ziyada istemaal karen. Yeh aapki skin ko lambe samay tak ageing jaisi skin problems se bachaye rakkhegi aur aapki skin me freshness bani rahegi. Kheere ka ziyada se ziyada istemaal karen.


Meat vagairah ka istemaal na hi karen to ziyada behtar rahega. Kyun ki isse tarah-tarah ki skin problems hone lagti hain. Jaise ke skin allergy, pimples vgairah ke hone ka bhi darr bana rehta hai.


Also Read: Hair dandruff door karne ke gharelu nuskhe


(11) Fruits: 

Fresh vegetables ke saath-saath fresh fruits bhi sehat aur skin dono ke liye bahot hi fayedemand maane jate hain. Isliye fresh fruits ka ziyada istemaal karen. Yeh aapki skin ko fresh aur chamakdaar banaye rakkhenge. Jisse aap samay se pehle ageing se bache rahenge.


(12) Don’t Use Alcohol: 

Alcohol(wine) yani ke sharaab health ke liye bahot hi harmful maani jati hai. Yeh sehat ke liye to kharaab hai hi, saath hi yeh tarah-tarah ki bimariyon ko bhi janam deti hai. Iske sevan se insaan samay se pehle hi aged dikhayi dene lagta hai. Isliye isko use karne se bachen.


(13) Don’t Use Tobacco: 

Tobacco bhi health ke liye bahot danger maani jati hai. Tobacco aur cigrate ka ziyada sevan karne se skin bejaan hone lagti hai. Jisse insaan samay se pehle yani kam umar me hi ziyada umar ka dikhayi dene lagta hai. Isliye inka istemaal na hi karen.


(14) Exercise: 

Agar exercise ko bhi rozana thoda waqt diya jaye to yeh aapko long time tak fit banaye rakkhegi. Rozana subah bahar khuli jagah me thoda walk karne ki aadat bana len aur ghar me hi thodi yoga type exercise kar liya karen. Isse blood circulation bhi achchha bana rahega.


Aur chehre par lalima bhi bani rahegi. Jisse aap long time tak jawaan bane rahenge. Iske saath hi aapki body se fat(charbi) bhi door hone lagega.


Also Read: Oily skin care tips in hindi


Note: 

Is article me ageing aur anti-ageing ke baare me bataya gaya hai. Jisme kuch important tips, jaankari aur gharelu nuskhe bataye gaye hain. Jo poori tarah se natural hain aur kisi bhi harmful ingredients ko shamil nahin kiya gaya hai.

Agar aapko kuch ziyada ya alag tarah ki problem hai to aise me aap skin specialist se hi advice len.


Thank You!

1 comment:

  1. These are very helpful tips but if you also take herbal anti aging supplement then it gives more effective results.

    ReplyDelete