Sensitive Skin:
Aaj hum aapko Sensitive skin in hindi
meaning,Sensitive skin kaisi hoti hai,sensitive skin care tips,Sensitive skin
ke liye gharelu upchaar,Sensitive skin care home remedies in hindi,Sensitive
skin ke liye beauty tips,Sensitive skin kaisi hoti hai,Sensitive skin ko kaise
thik kare,Sensitive skin ke liye moisturizer ke baare me batayenge.
Sensitive Skin-Sensitive Skin Care in Hindi |
Mysmartways blog me aapka swagat hai.Aaj ka article sensitive skin ke baare
me hai.Is article me sensitive skin aur usse judi har baat ko bataya ja raha
hai.Agar aapki skin bhi sensitive hai to yeh article aapke bahot hi kaam ka ho
sakta hai.Kripya isko poora end tak zaroor padhen.
Sensitive Skin in Hindi Meaning-Sensitive Skin Kaisi hoti hai
Sensitive skin par mausam ka badi jaldi asar padta hai,aesi skin jis par
mausam ke badalne ka bhi khaas asar dekhne ko milta hai.Aesi skin par
dhool,mitti aur pollution ka bahot bura asar padta hai.Jisse skin par
rashes(chakatte)padne lagte hain,aur skin laal hone lagti hai,phir usme khujli
si hone lagti hai.
Aesi skin jisme jalan hona,khujli hona,achanak se skin ka laal ho
jana,pimples nikal aana,chehra dhone ke baad skin me khichav mehsoos hona,kam
umar me hi jhurriyon ka aa jana,paaltu jaanvaro ke touch me rehne par khujli si
mehsoos hona.Is tarah ki skin ko sensitive skin ke naam se jana jata hai.
Sensitive skin care tips
1. Product Use Karne se pehle:
Koi bhi product use karne se pehle uski testing zaroor kar len.Kisi bhi
tarah ke product ko direct use na karen,pehle usko haath ya kaan ke pichhe ki
skin par thoda sa laga kar thodi der check kare ke kisi bhi tarah ki jalan ya
khujli to nahin ho rahi hai.
Agar is tarah ki koi bhi problem nahin ho rahi hai,lekin usko use karne ke
baad agar skin laal ho rahi hai ya pimples vagairah aane lage,to dobara us
product ko use na karen.
2. Diet(Khaan-Paan):
Apni diet yani ke khaan-paan ka bhi dhiyan rakkhen.Fruits aur vegetables ka
istemaal ziyada karen.Alcohol aur kisi bhi tarah ke tobacoo ke sevan se khud ko
door rakkhen.Ziyada oily, mirch masale wali cheezon se bachen.Pani ki kami na
hone den.pani khoob piyen.
Kabhi-Kabhi galat khaan-paan bhi skin problems ki vajah ban jata hai,isliye
khane-peene ka pura dhiyan rakkhen.Agar ho sake to non-veg ka kam se kam use
karen.
3. Natural Product:
Aise products ko use karne se bache,jo chemicals se mil kar bane huye
hain.Isliye koi bhi product lene se pehle uski ingrediants(सामग्री) par nazar daal len,ke woh
kin cheezon se mil kar bana hai.Humesha aise products ko chune jo natural
elements se mil kar bane ho.
Natural elements jaise ke jo products aloe-vera,chandan,haldi,multani-mitti
vgairah se mil kar bane hote hain.Isi tarah ke natural products ka hi istemaal
karen.
4. Avoid Sun-rays(धूप से बचें):
Ziyada time tak dhoop me rehna sensitive
skin ke liye bilkul bhi achchha nahin hoga.Isse skin me aur bhi tarah-tarah ki
problems ho sakti hai.Skin me allergy hone ka darr bana rehta hai. ziyada dhoop
me rehne se skin me laal chakatte pad jane jaisi problem ho sakti hai.
Isliye sensitive skin wale dhoop se
bachne ki koshish karen aur bahar jane se pehle apni skin par sunscreen laga
kar hi niklen.Sunglasses ka bhi istemal karen.
5.
Moisturizer:
Apni skin ko samay samay par moisturize
karte rahiye.Market me alag alag tarah ke moiturizer available hain.Apni skin
ke hisaab se jo aapki skin ko suit(soot) karta ho vaisa hi moisturizer
chune.Sensitive skin ke liye banaye gaye moisturizer ka hi istemaal karen.
Moisturizer skin ko dry hone se bachata
hai aur skin ki nami ko banaye rakhne me madad karta hai.Kyun ke skin ke ziyada
dry hone par bhi skin sensitive hone lagti hai.
Sensitive Skin-Sensitive Skin Care in Hindi |
Sensitive Skin ke Liye Gharelu Upchaar- sensitive skin care home remedies in Hindi
1. Aloe
Vera
Sensitive skin ke liye aloe vera ka gel
bahot hi upyogi bataya gaya hai.Aloe vera ke gel me vitamin E paya jata hai,jo
sensitive skin ko redness aur itching se bachata hai.Aloe vera ke chhilke ko
kaat kar usme se gel nikaal len.Ab us gel ko apne chehre ki skin par lagayen
aur thodi der baad dho den.
Aap iske gel ko raat bhar bhi laga rehne
de sakte hain aur subah uth kar saaf pani se dho den.Yeh skin ki problems ko
door karne me bahot hi upyogi mana jata hai.
2. Haldi
Haldi ke baare me to aap achchhe se hi
jaante honge ke yeh skin ke liye kitni achchhi mani jati hai.Har tarah ki skin
ke liye haldi ek bahot hi achchha gharelu upchaar hai.Isliye yeh sensitive skin
ke liye bhi bahot hi upyogi hai.
Haldi ko face pack ke roop me use
kare,iske liye ek chammach haldi me 2 chammach kachcha doodh aur thoda
shahad(honey)le kar achchhi tarah mila kar pest banal en.Ab isko poore chehre
par lagayen aur sookhne ke baad saaf pani se dho len.
3. Coconut
oil
Coconut oil yani ke nariyal ka tail ek
achchhe moisturizer ka kaam bhi karta hai aur yeh bhi sensitive skin ke liye ek
achchha gharelu upay ke roop me ho sakta hai.Nariyal ka tail skin ko nami
pahuncha kar usko dry hone se rokta hai.
Nariyal tail se aap apni skin ko golai me
halke haathon se malish karen.Yeh skin ko rukha(dry) hone se bachayega.Yeh
aapki sensitive skin ke liye achchha kaam karega.
4. Honey
Honey yani ke shahad me anti-bacterial
paye jane ki vajah se yeh skin ko achchhi tarah se moisturize bhi karta hai.Yeh
sensitive skin par lagane se skin ko dry hone se rokta hai,usko nami pahuncha
kar soft banata hai.
Do chammach honey me 2 chammach
daalcheeni powder ko achchhi tarah se mila kar pest bana len.Ab isko apne face
par lagayen. 15-20 minute ke baad paani se dho len.Isse aapki skin chamak
uthegi. Sensitive skin par isko week me 2 baar use karen.Aapko aaram milega.
5.
Banana(kela)
Kya aap jaante hain ke kele ko bhi skin
ke liye istemaal me laya ja sakta hai.Kela bhi skin ke liye ek achchhe
moisturizer ka kaam karta hai.Yeh sensitive skin ki itching aur dryness ki
problem ko door kar sakta hai.
Ek kele ko achchhi tarah se haath se
goond len,Ab isme 1 chammach honey aur 2 chammach dahi milaye.sabko achchhi
tarah se mix kar len aur chehre par lagayen. 15-20 minute baad paani se dho kar
saaf kar len.Yeh sensitive skin ke liye achchha gharelu nuskha hai.
6. Aanvla(आंवला)
Aanvla me vitamin C paya jata hai jo ke
skin ke liye upyogi mana jata hai.Sensitive skin ke liye yeh bahot upyogi sabit
ho sakta hai.Agar aapki skin sensitive hai to aap rozana din me 1 cup aanvle ka
juice ka istemaal karne ki aadat daal len.Isse aapko kafi rahat si milegi.
Ek chammach aanvla powder me ek chammach
honey ko achchhi tarah se mila len aura b isko apne face par lagayen. 15-20
minute baad normal paani se dho len.
sensitive skin ke liye beauty tips
Sensitive skin ko garmiyon ke mausam me
bahot pareshani hoti hai.Bahar ke cosmetic products ka bilkul istemaal na
kare.Ghar par hi kuchh natural face pack bana kar use karen.
- Ande(egg)
ki zardi ko nikaal kar uske safed hisse me Oatmeal(दलिया)ko achchhi tarah mila len. Ab usko chehre
par lagayen aur sookhne ke baad normal water se chehre ko dho len.Aapki
skin me nikhaar aa jayega.
- Ek
katore(bowl)me aloe vera ke gel aur honey ko barabar quantity me achchhe
se mila len. Ab isko chehre par 15-20 minute tak laga rehne den aur uske
baad saaf paani se chehre ko dho len. Skin me farq dikhayi dene lagega.
- Aloe
vera aur kheere ko achchhi tarah se pees kar pest banal en.Ab isko chehre
par 15-20 minute laga rehne den aur uske baad chehre ko dho len.Skin
chamak uthegi.
- Lavender
oil ko dahi aur honey me achchi tarah mila kar pest ki tarah banal en.Ab
isko chehre par laga kar 15 minute tak laga rehne den aur uske baad chehre
ko paani se dho len.
Sensitive Skin Ko Kaise Thik Kare
Sensitive skin walon ke liye yeh janna
bahot zaroori hai ke unhe kin-kin cheezon ke istemaal se pareshani ho sakti
hai.Agar un baton ka dhiyaan rakkha jaye,to is tarah ki problem ko kafi had tak
control me kiya ja sakta hai.Jo is prakaar hain-
1. Ziyada time tak dhoop ke sampark me na
rahen,sardiyon ke mausam me bhi suraj ki taraf peeth kar ke baithe.
2. Khud ko dhool,mitti aur pollution se
bachane ki koshish karen,isse skin me gandgi paida hone lagti hai aur skin allergy
jaisi pareshani hone ka darr bana rehta hai.
3. Raat ko ziyada time tak jaagne se
bachen aur kam se kam 7-8 ghante ki neend zaroor puri hone den,kyun ki neend
puri na ho pana bhi sensitive skin ke liye badi vajah ban sakta hai.
4. Stress(तनाव)bhi sensitive skin
ki badi vajah ban sakta hai.Isliye khud ko stress aur tension jaisi cheezon se
door rakhne ki koshish karen.Kyun ki ziyada stress aur tension me rehne se skin
me dark spot,wrinkles vgairah jaisi problem ho sakti hai.
5. Kapde dhone ke liye bahot ziyada khushbu
wale detergent powder aur soap ka istemal na karen,kyun ki is vajah se bhi
aapki skin me jalan jaisi samasya ho sakti hai.
6. Ziyada dark makeup na karen aur raat
ko sone se pehle makeup ko remove karna na bhulen.Iske liye aap koi makeup
remover ya zaitoon ke tail se bhi apne makeup ko remove kar sakti hain.
7. Din me 2 baar apne chehre ko jo aapki
skin ko suit karta ho,aise cleanser se achchhi tarah se saaf karen.Dhone ke
baad chehre ko towel se ragde nahi,balki dheere-dheere ponchhe.
8. Perfume lete samay usko apne haath ki
skin par chhidar kar check zaroor kar len.Agar halki si bhi itching mehsoos ho
to usko na khariden aur na hi use karen.Ziyada tez khushbu wale perfume ka
istemal na karen.
9. Dhoop me nikalne se pehle koi
sunscreen cream ya lotion laga len.Uske baad hi ghar se bahar niklen.
10. sardi ke mausam me humesha soft woollen
ke hi sweater hi pehne.Synthetic woollen se skin me allergy hone ka darr bana
rehta hai.
11. Koi bhi beauty products kharidne se pehle
yeh zaroor dekh len ke usme ingrediants ki sankhya(संख्या) kam ho,ya jin par ‘suitable for sensitive skin’ or ’dermatologically
tested’ likha ho.Humesha 15+spf wale products hi use karen.
12. Chehre ko wash karne ke liye soap ka
istemal na kare,kyun ki soap skin ko dry kar deta hai jisse skin me khichav
aane lagta hai.Isliye jo aapki skin ko suit karta ho aise hi facewash ka
istemal karen.
13. sardi ke mausam me bahot ziyada garm
pani se na nahaye,halke gungune pani ka hi istemal karen.
Sensitive Skin Ke Liye Moisturizer
Sesitive skin ke liye moisturizer lete
samay in baton ka dhiyan rakhna zaroori hai-
- Non-irritating
- Non-comedogenic
- Paraben-free
- Fragrance-free
- Dermatologist-recommended
- Allergy-tested
- Alcohol-free
- Hypoallergenic
- Non-greasy
- Non-drying
Note:
Is article me sensitive skin se judi har
baat safety ko dhiyan me rakh kar batayi gayi hain.Phir bhi aap inme se kisi
bhi upchaar ko use karne se pehle uska test zaroor kar len.Agar aapko inme se
kisi bhi upchaar se kisi bhi tarah ki koi problem hoti hai,to usko use na
karen.
Aapko
humara yeh article kaisa laga iska jawab aap comment kar ke zaroor batayen.
No comments:
Post a Comment