How to apply lipstick full guidance in Hindi

How To Apply Lipstick:

Aaj hum aapko lipstick meaning in hindi, how to apply lipstick, how to use lipstick in hindi, how to use lipstick for long time, lipstick tips in hindi, lipstick lagana sikhe ke baare me batayenge.

How to apply lipstick_How to use lipstick in Hindi

Hello friends mysmartways.com blog me aapka swagat hai.Is article me lipstick se related sari jaankari sahi dhang se batayi gayi hai.Isliye please is article ko poora end tak zaroor padhen. To aaiye shuru karte hain how to apply lipstick ke baare me-

Lipstick Meaning In Hindi

Lipstick ka istemaal hothon ko sundar dikhane ke liye kiya jata hai.Lipstick makeup ka ek important part hota hai.Bina lipstick ke makeup adhura sa lagta hai.Lipstick honthon ko sundar aur chehre ko aakarshak dikhane ka kaam karti hai.Lipstick ka istemaal khaas functions ya phir ghar se bahar kahin aane jane ke liye kiya jata hai.

Agar honth dekhne me achchhe nahin hain ya phir unme surkhayi nahin hai,to lipstick yeh sari problems door karne me kafi helpful sabit hoti hai.Lekin agar lipstick ka upyog sahi tarike se na kiya jaye to phir poora makeup aur chehra kharaab bhi dikhayi dene lagta hai.

How to apply lipstick_How to use lipstick in Hindi

How To Apply Lipstick-How To Use Lipstick In Hindi

Lipstick lagane se pehle aksar mann me how to apply lipstick,how to use lipstick is tarah ke sawaal or uljhan bane rehte hain.Isliye lipstick lagane se pehle kuchh baton ka dhiyan rakhna zaroori hai,jo is prakaar hain-

1. Lipstick lagane se pehle cleansing milk ko thodi si ruhi par laga kar honthon par malen,aisa karne se honth saaf ho jate hain.Honth saaf karne ke baad foundation cream lagayen,isko thodi der sookhne den phir lipstick lagayen.

2. Agar honth kate phate ho to lipcare cream lagayen.Iske baad tissue paper ko dono honthon ke beech me dabayen.Aisa karne se faaltu cream tissue paper par aa jati hai.Iske baad powder chhidak kar honthon ko dry kar len,phir lipstick lagayen.

3. Honthon ke size ko dekhte huye pehle honthon par outline kheench len.Iske baad brush ki madad se lipstick lagayen.

4. Agar aapke honth mote hain,to unhe balance karne ke liye honth ke andar ki taraf rekha(line) banayen.Phir bache huye hisse par foundation lagayen.

5. Agar honth patle hain,to honthon ki rekha se thoda sa bahar ki taraf line kheenche.Iske alava upar ke honth par halki aur neeche ke honth par gehri lipstick lagayen.Aisa karne se honth thode bade dikhte hain.

6. Patle honthon par humesha light shade wali lipstick hi lagayen,kyun ki dark shade ki lipstick lagane se honth patle dikhayi dete hain.

7. Agar honthon ka size normal nahi hai,to honthon ko chehre ke anusaar size(aakaar) dene ke liye apni zaroorat ke hisaab se outline bana kar lipstick bharne se honthon ko sahi size diya ja sakta hai.

8. Khade(standing) ho kar lipstick lagate samay(time) aksar haath hil jate hain,jisse lipstick ke phelne ka darr rehta hai.Isliye Aaine(mirror) ke saamne kisi table vagairah par kohni tika kar lipstick achchhi tarah bina ruke balance bana kar lagani chahiye.

9. Agar lipstick kisi vajah se phel jaye,to honthon par pehle powder laga kar lipstick sukha len. Iske baad dobara se dhiyaan se lipstick lagayen.

10. Lipstick lagate samay pehle upar ke honth par lipstick lagayen aur phir neeche ke honth par lipstick lagani chahiye.

11. Halke aur gehre color ki lipstick ka istemaal karne par honth ziyada sundar dikhayi dete hain.Pehle halke color ki lipstick lagayen,phir dono honthon ke beech tisue paper rakh kar faaltu lipstick hata den.Phir gehre color ki lipstick lagayen.Dono colors ko ek sa karne ke liye 2 baar laga sakte hain.

12. Lipstick lagane ke baad honthon par lip-glass ya zara si vaseline cream laga dene se honthon par chamak aa jati hai.

13. Kabhi bhi purani lipstick par nayi lipstick ka istemaal na karen,kyun ki aisa karne par lipstick me ekroopta aur chamak nahi aa payegi.

14. Humesha achchhi quality ki lipstick ka hi istemaal karen,kyun ki sasti aur low quality ki lipstick honthon ki komalta ko nuksaan pahuncha sakti hai.

15. Honthon par lagi lipstick chhutane ke liye lipstick remover ka upyog karen.Isse honthon ki skin ke andar tak jami huyi lipstick saaf ho jati hai.

How to apply lipstick_How to use lipstick in Hindi

Lipstick Tips In Hindi-Lipstick Lagana Sikhe

Kis color ki lipstick ka use kab karna hai yeh bahot had tak age,functions,parties aur clothes par bhi depend karta hai.Isliye apni age ko dhiyaan me rakh kar sahi color ko choose karen aur khaas moukon(functions) aur dresses ke hisaab se bhi lipstick ka color choose karna chahiye.

(A) Age-Wise,Umar Ke Hisaab Se

1. Young age ki ladkiyon ko humesha natural shade ki lipstick ka hi istemaal karna chahiye. Isse unki natural sundarta aur badh jati hai.

2. Naukri karne wali aurton ko office me bahot gehre color ki lipstick ka istemaal nahin karna chahiye.Ziyada age wali aurton ko halke color ki lipstick ka istemaal karna chahiye.

3. Unmarried ladkiyon ko gulaabi ya milte julte rangon ki lipstick ka istemaal karna chahiye.

(B) Clothes-Wise,Kapdon Ke Hisaab Se

1. Lipstick ka istemaal kapdon ke color ko dhiyaan me rakh kar karna chahiye.Jaise ke narangi rang ke kapdon ke saath narangi aur gulaabi rang ke kapdon ke saath gulabi lipstick ka upyog karna chahiye.

2. Kabhi kabhi kuchh dresses ke color ke hisaab se lipstick ko match kar pana mushkil ho jata hai,phir bhi jahan tak ho sake kapdon ke rangon ka aur lipstick ke rangon ka taal-mel(balance)bithana chahiye.

(C) Skin Color Aur Mausam Ke Hisaab Se

1. Lipstick ke color ko choose karte samay skin color aur mausam ko bhi dhiyaan me rakhna chahiye.Gore rang ki aurton ke honthon par redness(lalima) ziyada payi jati hai.Lekin kam gori aur saanvle color ki aurton ke honth sundar aur healthy hote huye bhi honth laal aur surkh nahin hote hain.

Isi tarah ke honthon ko sundar aur aakarshak dikhane ke liye lipstick ka istemaal kiya jata hai.

2. Gore rang ki aurton par ziyadatar sabhi tarah ke lipstick colors suit karte hain.Lekin saanvle rang ki aurton par halke rang ki lipstick hi achchhi lagti hai.

3. Sardiyon me kuchh gehre rang ki aur garmiyon me halke rang ki lipstick ka upyog karna chahiye.

(D) Honthon Ke Size Ke Hisaab Se

1. Lipstick ka chunaav honthon ke size par bhi nirbhar karta hai.Agar honth ziyada mote hain,to gehre shade ki lipstick ka istemaal karna sahi rahega.

2. Agar honth normal se thode mote hain,to natural shade ka istemaal karna sahi rahega.

3. Patle hontho ke liye normal(saadi)lipstick ka istemaal karen.

4. Normal size ke honthon ke liye tez aur gehre shade ki lipstick ka istemaal kiya ja sakta hai.

How to apply lipstick_How to use lipstick in Hindi

How To Use Lipstick For Long Time

Lipstick lagane ke baad honth sundar lagen aur woh adhik samay tak lagi rahe,iske liye zaroori hai ki honth saaf suthre ho aur kate phate na ho.Bina lipstick ke makeup adhura sa lagta hai.Lekin ziyadatar ladies ko lipstick lagane ka sahi tarika hi maloom nahin hota hai.Is vajah se lipstick ziyada samay tak honthon par tik nahin pati hai.

Agar lipstick lagate samay kuchh baton ka dhiyaan rakkha jaye,to yeh long time tak honthon par ruki reh sakti hai.

1. Lipstick lagane ke liye sabse ziyada jo zaroori baat hai woh yeh ke aapke honth healthy ho.Kate phate rukhe se na ho,verna lipstick bhi phati-phati si nazar aayegi.Iske liye honthon ko scrub ki madad se saaf karti rahen,jisse honth soft aur chikne se bane rahen.

2. Honthon ko samay-samay par moisturize karte rehna chahiye.Iske liye honthon par kisi achchhe lip-balm ya glycerine ka istemaal kiya ja sakta hai.

3. Lipstick lagate samay pehle halke color ki lip-pencil se outline bana len.Iske baad hi lipstick lagani shuru karen,isse lipstick lagana bhi aasaan ho jayega aur lipstick lambe samay tak ruki bhi rahegi.

4. Lipstick lagane ke baad usko halka karna bhi zaroori hai,isse lipstick jam jati hai aur uske idhar-udhar phelne ka bhi darr nahin rehta hai.

5. Lipstick ziyada samay tak ruki rahe iske liye yeh bhi zaroori hai ke aap apne honthon par finger ki madad se halka sa powder lagayen.Isse lipstick honthon par puri tarah se set ho jayegi. Agar lipstick halki dikhayi dene lage,to aap 1 baar lipstick ko aur laga len.

6. Agar aap lipstick ko fridge me rakhti hain,to isse lipstick bhi nahin ghulti hai aur yeh honthon par ziyada samay tak ruki bhi rehti hai.

Conclusion: Is article me how to apply lipstick ki saari jaankari sahi tarike se batayi gayi hai,jaisa ke aapne upar padha hai.Hum ummeed karte hain ke aapko is article se kafi help mili hogi.Isliye aapko jo lipstick suit karti hai usi ka hi istemaal karen.

Yeh article poora padhne ke liye aapka shukriya.Aapko humara aaj ka yeh article kaisa laga,iska jawab hume comment box me likh kar zaroor batayen or share karna na bhulen.