Makeup Tips in Hindi-Makeup Tips For Parties

Makeup tips in hindi: 

Aaj hum aapko makeup se sambandhit(natural makeup tips , summer makeup tips, makeup tips for oily skin, makeup tips for dry skin, makeup kaise kare step by step, full face makeup steps, makeup tips for parties)yeh sari jaankari denge.Kripya is article ko end tak zaroor padhen.

Makeup_tips_in_hindi

Mysmartways blog me aapka suagat hai.Sundar dikhna har kisi ki chahat hoti hai aur honi bhi chahiye,kyun ke sundar dikhne ka haq har kisi ko hai.Sahi tarike se kiya gaya makeup aapki sundarta me chaar-chand laga deta hai.Makeup simple se chehre ko bhi khoobsurat tasveer me badal deta hai.Aurat ke saundarya ka sabse bada sadhan chehra hota hai,isliye chehre ki skin ki care karna bahot zaroori hai.

Lekin agar makeup products ko sahi tarike se use na kiya jaye to phir wahi makeup chehre ko kharaab bhi kar sakta hai aur skin ko nuksaan bhi pahuncha sakta hai.Aaj ke makeup tips in hindi article me hum makeup aur usko use karne ke sahi tarike ko batane ja rahe hain.Jisse aap parlour na ja kar ghar par hi apna makeup karke paisa aur time dono hi bacha sakti hain.To aaiye shuru karte hain:-

TOP 17 MAKEUP TIPS IN HINDI

Makeup tips in hindi

1. Face wash

Make up shuru karne se pehle chehre ko kisi achchhe facewash se dho len.Face wash ka selection aap apni skin ke anusaar hi kare.Agar skin oily hai to oil control face wash aur agar dry skin hai to usi ke hisaab se use kare.Soap ya sabun ke istemaal se bache.

Facewash achchhi tarah se skin se gandgi aur oil ko saaf kar deta hai,jab ke soap skin ko puri tarah se clean bhi nahin kar pata hai aur skin ko ruff aur bejaan sa bana deta hai.Raat ko sone se pehle bhi face ko facewash se dholen,jisse makeup achchhi tarah se remove(saaf)ho jaye.

2. Cleanser

Chehre ko achchhe se dhone ke baad kisi achchhi cleanser cream ka istemaal kare.Aesa karne se skin poori tarah se clean ho jayegi.Kyun ki Face wash skin ko poori tarah se clean nahin kar pata hai.Yeh chehre se oil aur gandgi ko nikaal kar skin ko achchhe se saaf kar deta hai.

Cleanser ka istemaal aap apni skin ke anusaar hi kare.Oily skin ke liye jel ya foam cleanser bahot hi achchha mana jata hai.Agar skin dry(rukhi) ya normal hai to creamy cleanser ka hi istemaal kare.

3. Toner

Skin ko clean karne ke liye toner achchha mana jata hai.Yeh chehre ke rom-Chhidron(pores) ko band kar deta hai, jisse makeup skin ke andar na ja sake aur skin ko koi nuksaan na pahuncha sake.Yeh makeup ko idhar-udhar phailne se bhi rokta hai.

Chehre ko cleanser se saaf karne ke baad ab toner ko cotton(ruhi) ki sahayta se chehre or gardan pad lagaye.Jo kami cleanser karne ke baad reh jati hai,usko toner poora kar deta hai.Yani ke toner se skin poori tarah se clean ho jati hai.

4. Primer

Expert koi bhi makeup products istemaal karne se pehle primer lagane ki Advice(सलाह) dete hain.Chehre ko achchhi tarah se clean kar lene ke baad primer ka istemaal karna chahiye.Primer lagane ke baad isko thodi der ke liye sookhne den.Jisse primer skin me poori tarah se mil jaye.

Primer lagane se skin soft rehti hai aur yeh skin ke rom-chhidron ko band kar ke skin ko cosmetics se hone wale nuksaan jaise ke elergy vgairah se bhi bachane me help karta hai.Primer ke bina makeup adhura sa lagta hai.Isko bhi thoder der ke liye sookhne de,phir foundation ka use kare.

5. Foundation

Primer ke baad foundation ka istemaal kiya jata hai.Foundation chehre ke rang ko ek jaisa banane me help karta hai.Yeh chehre ke daag-Dhabbe aur jhurriyon(wrinkles)ko chhupane me upyogi sabit hoya hai.Iske saath-saath yeh chehre ke colour ko saaf aur ek jaisa dikhane me help karta hai.

Foundation ko apne skin colour se match khata hua hi kharide.Foundation ka rang na ziyada halka ho aur na hi ziyada gehra hona chahiye.Foundation ko chehre par ungliyon ke bajaye brush se hi lagana chahiye.Brush se lagane par yeh skin me achchhi tarah se mil jata hai.

6. Highlighter

Highlighter ka upyog complete makeup ke roop me kiya jata hai.Highlighter ka prayog skin ke texture(बनावट) ko dhiyan me rakh kar kiya jana chahiye.Yani ke oily skin walon ko powder highlighter ka upyog karna chahiye aur dry skin walon ko cream highlighter ka istemaal karna chahiye.

Iska istemaal face par glow aur chamak lane ke liye kiya jata hai.Isko brush ya spanj(स्पंज)ki sahayta se hi lagana chahiye.Agar aap liquid foundation use karti hain,to liquid highlighter ka hi istemaal kare.Agar aap powder foundation use kar rahi ho to phir powder highlighter hi use kare.Aesa karne se aapka makeup kharaab nahin hoga.

7. Eye Shadow

Chehre me aankho(eyes)ka role bahot important hota hai,agar aap eyes ka makeup achchhe se karengi to pura face sundar lagega.Eye shadow ka use aankho ko sundar banane ke liye kiya jata hai.Isko sahi tarike se lagane par aankhe sundar aur aakarshak(Attractive)dikhayi dene lagti hain.

Iska upyog thoda savdhani se karna chahiye.Yani ke ek samay(time) me 3 colour hi use kare-halka,medium aur deep(Gehra),jo achchhi tarah se mix ho sake.Makeup se pehle palkon par thoda foundation laga le,phir isko lagaye.Aesa karne se aankho ka makeup ziyada time tak bana rahega.

8. Kajal

Kajal se aankhe sundar to dikhayi deti hi hain,saath hi yeh aankho ki safety bhi karta hai.Bina kajal ke makeup uncomplete sa hi lagega.Lekin agar kajal sahi tarike se use na kiya jaye to kabhi-kabhi yeh poore makeup ko hi bejaan sa bana deta hai.Isliye kajal ko sahi tarike se hi istemaal me lana chahiye.

Aesa kajal ko chune jo phailne wala na ho.Iske liye aap water-proof kajal ko hi use kare.Aksar oily skin par kajal badi jaldi phailne sa lagta hai aur kajal ke phail jane par poora makeup kharab sa dikhne lagta hai.Isliye oily skin walon ko aankho ke niche thoda powder brush se lagana chahiye.

9. Eye Liner

Eye liner ka istemaal aankho ko sundar dikhane ke liye kiya jata hai.Eyeliner bhi makeup ka ek khaas hissa mana jata hai.Agar isko sahi tarike se na lagaya jaye,to phir yeh aankho ki sundarta ko kharaab kar sakti hai.Isliye isko lagane ka sahi tarika janlen.

Achchhi quality ke eyeliner ka hi prayog kare,jisse aapki aankho ko kisi tarah ka nuksaan na pahunche.Agar eyeliner lagate samay phail jaye,to usko usi waqt sookhne se pehle hi saaf karle.Eyeliner do tarah ka aata hai-liquid eyeliner aur pencil eyeliner.Liquid eyeliner pencil eyeliner se achchha mana jata hai,kyun ki yeh ziyada time tak laga rehta hai aur sundar bhi lagta hai.

10. Mascara

Mascara ke bina aankho ka makeup adhura-adhura sa lagta hai.Yeh lashes(पलकें)ko sundar aur attractive(aakarshak)banata hai.Agar iska istemaal sahi tarike se kiya jaye to yeh aankho ko ek naya look dene ka kaam karta hai.Isliye isko lagane ka sahi tarika janle.

Mascara lagate waqt niche dekhne ke bajaye upar ki taraf dekhen.Aesa karne se mascara lagane me koi dikkat bhi nahin hogi aur woh aasani se lag bhi jayega.Mascara kabhi bhi jaldbazi me na lagayen,aesa karne se aankho ka poora makeup kharaab ho sakta hai.Mascar aankho ke kinaron par bhi lagayen,isse aankhe dekhne me badi aur sundar dikhengi.

11. Lip Balm

Vaise to lip-balm ka istemaal aksar phante honthon ke liye kiya jata hai.Lekin isko makeup ke waqt bhi use me laya ja sakta hai.Lipstick lagane se pehle hontho par halka sa lip-balm laga len.Isse aapke honth soft bhi ho jayenge aur hontho ki bareek si rekhayen bhi chhip jayengi.

Lip-balm ko hontho ke alava bhi istemaal me laya ja sakta hai.Yadi aapko eye-brow banane ka time nahin mil pa raha hai,to ungli ki sahayta se thoda sa lip-balm apni eye-brow par laga len.Aesa karne se aapki eye-brow ka shape sahi dikhne lagega.

12. Lipstick

Lipstick makeup kit ka ek bahot hi important hissa(part)mana jata hai.Agar face ke shape aur colour ke hisaab se lipstick ka sahi tarike se istemaal kiya jaye,to sundarta me chaar-chand lag sakte hain.Kehne ka matlab yeh hai ke aap apne face colour ke mutabik hi lipstick ka chunaav karen.

Agar aapke honth(lips)phate-phate se hain to lipstick lagane se pehle hontho par glycerin ya koi achchha sa lip-balm laga len.Isse aapke honth soft aur chikne ho jayenge.Lipstick lagane se pehle halke colour ki lip-pencil se outline bana len.Aesa karne se lipstick lagana aasan ho jayegi aur woh bahar ki taraf bhi nahin phailegi(bikhregi).

13. Concealer

Concealer ka upyog ziyadatar chehre ke daag-dhabbo ko chhupane ke liye kiya jata hai.Concealer chehre ki redness aur aankho ke niche ke kaale ghere(dark circles)ko chhupane me bhi madadgar sabit hota hai.Agar concealer ko sahi tarike se istemaal na kiya jaye,to chehra berang sa dikhayi dene lagta hai.

Concealer humesha skin se match karta hua hi kharide.Concealer lagane ke baad kuchh time tak isko sookhne den,jisse yeh skin me achchhi tarah mil jaye.Agar skin oily hai to liquid concealer ka hi upyog kare.Yaad rahe chehre ke kisi bhi hisse par concealer ka bahot ziyada upyog na kare.

14. Face Powder

Face powder ka istemaal chehre ki rangat ko ek-samaan dikhane ke liye kiya jata hai.Face powder makeup ko long time tak banaye rakhne me help karta hai.Garmiyon ke dino me to isko lagana aur bhi ziyada zaroori ho jata hai.Yeh chehre par paseena aane se bhi rokne ka kaam karta hai.

Agar skin oily hai to cake powder ka use na kare,kyun ki cake powder me tail hota hai,jisse skin aur bhi ziyada oily ho sakti hai.Isliye oily skin par humesh sookha hua powder hi use kare.Chehre ke sath-sath face powder ko gardan par bhi thoda-thoda lagaye.Jisse face aur gardan ka rang ek jaisa dikhayi de.

15. Compact Powder

Compact powder aur foundation ka istemaal skin ko gora dikhane ke liye kiye jata hai.Yeh chehre ke daag-dhabbo aur pimples ko chhupa ke kaam me bhi aata hai.Ziyadatar ladies compact powder aur foundation ko ek-jaisa hi samajhti hai,lekin yeh dono ek-dusre se kafi alag hote hain.

Foundation chehre ke daag-dhabbo aur pimples ko chhupane kar skin ko bedaag dikhane ka kaam karta hai.Agar chehre par pimples,daag aur dhabbe nahin hain aur skin clean & clear hai to sirf compact powder bhi lagaya ja sakta hai.

16. Blush

Face par glow lane ke liye blusher ka bahot adhik upyog kiya jata hai.Blusher bhi highlighter ki tarah hi kaam karta hai.Yeh chehre ko bright look deta hai.Isko skin se match karta hua hi kharide.Isko agar sahi tarike se lagaya jaye ,to yeh face ko chamakdar bana sakta hai.

Blusher ko aap apne gaalon(Cheek)ke bich ke hisse par ya thoda side me use kar sakti hain.Blusher ke sahi shades ko dhiyan se choose kare.Raat aur din ke liye aap alag-alag shades hi use kare.Yaad rahe agar aap gehre rang ka blusher laga rahe hain to uske saath halke rang ka highlighter aur yadi halke rang ka blusher laga rahe hain to phir uske saath gehre rang ka highlighter hi lagaye.ek hi rang ke blusher aur highlighter lagane par aapka chehra achchha dikhayi nahin dega.

17. Makeup Remover

Sundar dikhne ke liye jitna makeup karna zaroori mana jata hai,utna hi baad me makeup ko remove(hatana)karna bhi zaroori hota hai.Yadi makeup ko achchhe se remove ya saaf na kiya jaye to yeh skin ko kafi nuksaan bhi pahuncha sakta hai.Isliye isko sahi tarike se saaf karna chahiye.

Makeup remove karne ke liye achchhe makeup removal product ko hi use kare,ya phir gharelu nuskhe apnaye.Agar skin oily hai to dahi ka istemaal kare isse makeup to hatega hi,chehra bhi pehle se mulayam ho jayega.Dry skin ke liye doodh use kare.Kachcha doodh laga kar halke haath se face ko saaf karne se bhi makeup aasani se hat jata hai.Nahin to aap scrub ka bhi istemaal kar sakti hain.

Note:

Upar di gayi is article me makeup se sambandhit sari jaankari safety ko dhiyaan me rakh kar batayi gayi hai.Phir bhi aap kisi bhi makeup products ko use karne se pehle uske bare me achchhe se malumaat kar len.Hum is blog ke zariye aapko isi tarah ki helpful jankariyan dete rahenge.Aap aise hi apna support humare saath banaye rakkhen.

Aapko humara yeh article kaisa laga,plz comment kar ke zaroor batayen.